(肥仔：兄弟你等死吧！)

話說今天我跟妹哥放假去行街，答應咗朋友幫佢去睇下SONY 相機而家賣緊幾多錢。有人又發作…

力：我地去百老匯好唔好？
妹：好~
力：我地去邊間呀？後邊係唔係無呀？
妹：呢度唔係成條街都係咩？
力：佢唔係間間都有咁多相機放係出面呀，我地嚟呢間好唔好呀…
妹：(打斷) 梗係嚟海外僱傭中心啦，我細細個，就聽過呢個名啦….
力：(反白眼)……吼！

如果大家太年輕，可以按此重溫：海外僱傭中心廣告

之後，晚上約了肥仔食飯。食食下，肥仔講起一個舊同學的仔仔

肥：你有無睇過XX張相，佢個仔好得意
力：我覺得佢個仔好似爸爸
肥：都似媽媽呀，佢地一家三口都好似樣..
力：我好難搵到人同我似樣WOR…如果我第時生個仔
妹：(突然衝出來) 好靚囉…因為會似我…
力：………………………………….吼！食屎啦你

結論：此人要死

喜歡的朋友可以加入Side-Gas.org，有更多蠢人蠢事即時更新。