Tag Archives: 力語錄

[力語錄]-27-海外僱傭中心


(
肥仔:兄弟你等死吧!)

話說今天我跟妹哥放假去行街,答應咗朋友幫佢去睇下SONY 相機而家賣緊幾多錢。有人又發作…

力:我地去百老匯好唔好?
妹:好~
力:我地去邊間呀?後邊係唔係無呀?
妹:呢度唔係成條街都係咩?
力:佢唔係間間都有咁多相機放係出面呀,我地嚟呢間好唔好呀…
妹:(打斷) 梗係嚟海外僱傭中心啦,我細細個,就聽過呢個名啦….
力:(反白眼)……吼!

如果大家太年輕,可以按此重溫:海外僱傭中心廣告

之後,晚上約了肥仔食飯。食食下,肥仔講起一個舊同學的仔仔

肥:你有無睇過XX張相,佢個仔好得意
力:我覺得佢個仔好似爸爸
肥:都似媽媽呀,佢地一家三口都好似樣..
力:我好難搵到人同我似樣WOR…如果我第時生個仔
妹:(突然衝出來) 好靚囉…因為會似我…
力:………………………………….吼!食屎啦你

結論:此人要死


喜歡的朋友可以加入Side-Gas.org,有更多蠢人蠢事即時更新。

Loading

力筆從心-Blessed 27.

一眨眼已經4月。踏入27快一個月了,很感謝大家的愛,一直幫小弟慶祝。人越大,越不想慶祝了,十八廿二的時候,或許也會想去玩一下。現在,就算慶祝也只是想與我愛的人見個面吃個飯。

真的很感謝大家對我的愛,讓我每年都有個機會矯情的寫一篇我變老的日記。最近的新聞都太悲傷了,爆炸、地震,人的驟逝,令我有點唏噓。真的不要吝嗇你的愛,愛就說出來吧。我很慶幸大部分我的愛人都是肉麻路線的表表姐,請你們保持這個STYLE,我很愛。

不論過去現在與將來,我也會一樣地將我的愛宣之於口。儘管對著某些人,我的愛是呼喝與鄙視。我知道你們對此是甘之如飴的,請放心,我會對你們一直衰下去。最後,再讓我用感性聲再說一聲多謝大家,我會繼續為大家演好鄰家死肥仔這角色。

P.S. 有朋友問我為何不將出生年份HIDE了,這根本沒有必要。
I proudly announce that I’m officially 27. I’m mature enough to appreciate the love from all of you!


喜歡的朋友可以加入Side-Gas.org,有更多蠢人蠢事即時更新。

Loading

力生活- 另類按摩大法之他的小鳥一去不回來

我早兩天去按摩遇到比天狗蝕日更難得的奇遇,雖然已經在私人facebook上分享了一次。但我還是想在這邊留一留下這件奇事。

(圖片來源:zone 1zone )

是咁的,我放工去了平日去開的泰式按摩院按摩。呢度啲師傅全部都係上年紀泰國姐姐,良家過梁家仁。啲客人亦都有男有女,正經過正骨水。

我去到嘅時候見到個古怪大叔,鬼鬼祟祟偷蕃薯。對住個價錢牌參考咗勁耐,又問姐姐有無房。姐姐已經好婉轉咁問佢係咪去錯地方,叫佢去樓上有哈哈笑腳板個間。佢走左一秒又番來,話都係做60分鐘,於是,姐姐就帶咗佢去左手邊個位。

隔住塊簾,都聽到佢輾轉反側。過左半個鐘,佢終於忍唔住!

叔:可以轉身未?
姐:叭係到好辛苦?
叔:可以開始打x未?
姐:….
叔:做唔做?上次黎過好似有
姐:(爆seed)唔好意思我地呢度無得做,麻煩你今日忍耐下。我頭先都問你係咪去錯地方,應該係第二間

當時,我感覺到全世界內心都萬馬奔騰,想放爆杖又唔好意思。接下來的30分鐘,全間野都安靜過圖書館!直至大叔走咗為止。

問題

1.個大叔是否認為間野咁多女人去都係要打x?

2.大叔俾錢去錯地方慘啲,定姐姐遇到佢慘啲?

P.S. 證實有哈哈笑腳印真係咸濕野!

想知道這家店的位置,請按此


喜歡的朋友可以加入Side-Gas.org,有更多蠢人蠢事即時更新。

Loading

力筆從心

話說王力把秀髮留了兩年,中間只修剪過一次。因此,我打算在下個月出遊前修一修頭髮,好樣到時候拍照不用太衰相。

本身,頭髮好不容易才過膊頭,但因為太厚也打算到髮型屋打一打薄,方便打理。因為貪方便,今天我隨意找了一間風評不錯的Salon,打算輕輕修一修我的頭髮。開始前我已經跟髮型師說我在留頭髮,幫我修剪一下就可,在膊頭左右或短一咪咪我也可以接受!就好像好這種長度我也OK的

miss pouty. Photo from Blogger Spotlight

他說沒有問題,我便安心讓他剪!殊不知第一刀,我便覺得後頸涼涼的,再望一望地下,足足有6吋頭髮被剪下來!(頭髮呀頭髮~媽媽對不起你們)看著他手起刀落,那俐落的手勢,我也知道我回不了頭。那一刻,真心有點想哭~要知道我的頭髮千辛萬苦那留到那個長度!

長短也不是問題,最重要是我留長髮是為了看起來成熟一點呀!一回到家,媽媽就說我又變成了初中生。是說頭髮是身份的象徵,我現在這個樣子,真的是生意失敗的一掛了。

482754_10152629513310074_54275331_n

 

 

 

 

 

 

 

 

 

 

 

 

 

只能說現實跟理想,總有點出入!我去外遊瀟灑甩髮的希望…幻滅了!


喜歡的朋友可以加入Side-Gas.org,有更多蠢人蠢事即時更新。

Loading

[力語錄]-26-幸福在我手

早幾日同我阿爸慶祝生日,覺得有啲頭痛,叫妹仔拎杯熱水同兩粒幸福傷風素俾我。有人又發癲

力:唔該你可唔可以幫我拎杯熱水同埋幸福傷風素?
妹:好啊!飲啦,得唔熱嘅熱水
力:(反眼)仲有兩粒幸福呢?
妹:(摷袋)我有,你啲幸福就係我手上啦!
力:…………… 快D拎黎喇
妹:唔得呀!我好用力咁捉我嘅幸福啊!(自我狂笑)
力:(白眼)拜拜

最後,無癮的人自己飄走了!銀芽!

–同場加映: 你今日矮咗–

力:我訓矮頸…條頸好痛呀!
妹:唔怪之得你今日矮左啦….
力:…..(粗口都廢事講)

Loading

[力語錄]-25-明知山有虎

無見一排…有人又搞事了。話說今日,阿力在看戲的時候口痕食咗一包魷魚絲,跟住就胃痛了。

力:我好胃痛呀!
妹:咩事呀你又?(愛理不理)
力:好…胃…痛…呀(一邊將晚餐放進口中)
妹:叫咗你唔好食咁多野…(反白眼)
力:唔係呀….應該係魷魚先生復仇呀!成日食完就會胃痛
妹:(無言….)咁你仲食?明知山有虎….偏向虎山行
力:…
妹:下次去首爾呀嗎!
力:吼!

好啦,食完飯力打算去睇下EYE SHADOW…

妹:你唔係上星期先買完咩?
力:唔….個盒好勁爆呀!有閃粉…好正GA WOR我用
妹:咁…一次半次都OK呀!又唔係叫你日日化濃妝….
力:但係一盒可以用到年幾GA WO…
妹:咁勁?我以為一盒用到你上咗年紀(賤笑)
力:(死亡)…………………………………………………………………………………..

結論:此人要被殺。


喜歡的朋友可以加入Side-Gas.org,有更多蠢人蠢事即時更新。

Loading

相遇太早

很久沒有看你笑得那樣開懷了。大概,是從那年開始。

你跟我說過,有一個人你一直放不下。當年你跟他的無疾而終,你一直也耿耿於懷。這幾年,你交過幾個男朋友,很快的,他們又變回你的朋友。這個循環一直在重複,身邊的人都開始習慣了,每次你介紹新伴侶的時候,都只會禮貌地認識一下。因為,我們根本不知道還有沒有跟他再見的機會。

A曾問你,為什麼你一直在浪費時間。你沒有回答。你指著自己的心臟說:「你試過這裡有一根針的感覺嗎?」然後,你繼續抽著手上那半支煙、走開了。不明白為何談及他的時候,你總是那麼的唏噓。有時候,我甚至覺得你唏噓得過於矯情。

終於有一次,我忍不住問你,到底你對他的是愛、還是不甘心。畢竟,那一天他沒有留下一句話就離開了。你回答不了。你說,你就像一個等待揭曉的謎團,只不過,在開估前他便消失了,完全不著痕跡。然後你也承認,過去的幾年,你根本沒有用心好好的了解那一個又一個的他。你的心裡,只想著為何他會消失了。

你們曾經,是最好最好的朋友。順理成章的,你們發展成為了情侶。可是,這個本來很完美的轉變卻維持不了多久。他開始變得沈默,他開始埋怨,原來童話根本不存在。最後,他選擇離開,沒有留下一句話。

你跟我說,你有一段日子常常在想,再見到他的時候,你會跟他說什麼。你想過一千個可能性。甚至,你已經想好了罵他的台詞。你說,你看到他的時候一定會問清楚他當時為什麼要走。我沒有答話,因為,以我的認知,如果你有一天真的看到他,除了哭和崩潰,我不知道你還會做出什麼反應。

還以為這個謎底,不會有揭曉的一天。想不到,那天在同事B的婚禮上,這個消失了的謎團竟再度出現。原來,這個世界真的很小。我真的想不到,你會在同事的場合婚禮上看到他。

還記得那個晚上,你打給我說:「我看見他了。」有一秒我真的頭皮發麻了,我在盤算,萬一你崩潰的話我該怎麼辦。下一秒在電話中傳來的笑聲,說真的讓我覺得有點心寒。然後,你輕鬆的告訴我:「我好了」便掛線關機了。

我擔心了一整個晚上,直至第二天你約我去喝咖啡的時候,我看見你的臉是那麼的有氣色,才鬆一口氣。於是,我問你謎底到底是什麼,會讓你如此的寬容。

你看了我一眼,然後說:「相遇太早。」你呷一口咖啡,對我笑了,一個真心的笑容。


喜歡的朋友可以加入Side-Gas.org,有更多蠢人蠢事即時更新。

Loading

[力語錄]-24-養子

話說今日,妹哥在我威迫利誘之下~終於捨得陪我去按摩!到達按摩的地方,我們要先等待姐姐為我們安排位置,就係呢個時候,有人又發作….

一切,就係因為此魚缸

(人物介紹: 孤單的龍吐珠及嘍囉魚毛仔一群)

平日只得一條龍吐珠~十分沈悶。今日,竟然多了一群魚毛仔!

力:喂~你睇下~點解龍吐珠多咗D魚仔GE?
妹:食物掛
力:唔係噃,係佢地D仔黎GA!
妹:(反白眼)點會呀!
力:yee~唔係噃,唔同種ga噃!不過唔係wo~都可能係佢d仔…(死堅持)
妹:係呀係呀!養子呀頂你…
(說時遲那時快…龍吐珠突然嗒咗兩條魚毛….)



喜歡的朋友可以加入Side-Gas.org,有更多蠢人蠢事即時更新。

Loading

[力語錄]-23-觸執毛

過去那段日子好像太沈重了,大家是時候輕鬆一下。事不宜遲,就跟大家分享一下我跟下人妹今天的對話。

妹:喂呀!喂呀!喂呀!
力:點呀…
妹:XX(他妹妹的男友)買了一個Cheap Coach* 俾佢呀!好似折左都幾千蚊wor…
力:我個袋呢?
妹:你都唔要cheap coach啦
力:喂呀!我跟左你x年啦~毛都無呀!乜都無呀!Chochukmo呀!(突然發癲~dum地)
妹:……..咩話?你要執毛?我俾條毛你?
力:無野啦!!!!

既然如此,我唯有點首觸執毛俾自己,早D抖…

註:* Cheap Coach乃我們一位舊朋友對COACH的稱呼。本人或下人絕對沒有看不起COACH的成份,因為COACH對我們來說已經是超級奢侈品。


喜歡的朋友可以加入Side-Gas.org,有更多蠢人蠢事即時更新。

Loading

[力語錄]-22-你是番梘

Date: 24 Jan, 2010

YO!話咁快又有UPDATE!我都唔想…怪只怪妹妹太多靈感!!
(我相信佢睇到呢到…心到一定又會搞多個GAG就係話自己靈感特薄…)

妹:力仔你呢排好似肥左
力: (死口唔認) 無呀?有咩?無無無 (用手掩住個肚腩)
妹: 唔係WO…真係呀!!!!平時你條腰都叫做有個凹位呀!而家直落wo…點先!!!!
力: 車….少少之嗎 (細聲)
妹: or…少少…唔緊要…我知…我知你想扮一樣野…
力:咩呀”?
妹:你想扮番梘呀!直上直落呀!!!!!!
力: 吼!!!!!!!!!!!!!!!!!!!!!



喜歡的朋友可以加入Side-Gas.org,有更多蠢人蠢事即時更新。

Loading