Category Archives: 力語錄

[力語錄]-27-海外僱傭中心


(
肥仔:兄弟你等死吧!)

話說今天我跟妹哥放假去行街,答應咗朋友幫佢去睇下SONY 相機而家賣緊幾多錢。有人又發作…

力:我地去百老匯好唔好?
妹:好~
力:我地去邊間呀?後邊係唔係無呀?
妹:呢度唔係成條街都係咩?
力:佢唔係間間都有咁多相機放係出面呀,我地嚟呢間好唔好呀…
妹:(打斷) 梗係嚟海外僱傭中心啦,我細細個,就聽過呢個名啦….
力:(反白眼)……吼!

如果大家太年輕,可以按此重溫:海外僱傭中心廣告

之後,晚上約了肥仔食飯。食食下,肥仔講起一個舊同學的仔仔

肥:你有無睇過XX張相,佢個仔好得意
力:我覺得佢個仔好似爸爸
肥:都似媽媽呀,佢地一家三口都好似樣..
力:我好難搵到人同我似樣WOR…如果我第時生個仔
妹:(突然衝出來) 好靚囉…因為會似我…
力:………………………………….吼!食屎啦你

結論:此人要死


喜歡的朋友可以加入Side-Gas.org,有更多蠢人蠢事即時更新。

11,510 total views, 20 views today

[力語錄]-26-幸福在我手

早幾日同我阿爸慶祝生日,覺得有啲頭痛,叫妹仔拎杯熱水同兩粒幸福傷風素俾我。有人又發癲

力:唔該你可唔可以幫我拎杯熱水同埋幸福傷風素?
妹:好啊!飲啦,得唔熱嘅熱水
力:(反眼)仲有兩粒幸福呢?
妹:(摷袋)我有,你啲幸福就係我手上啦!
力:…………… 快D拎黎喇
妹:唔得呀!我好用力咁捉我嘅幸福啊!(自我狂笑)
力:(白眼)拜拜

最後,無癮的人自己飄走了!銀芽!

–同場加映: 你今日矮咗–

力:我訓矮頸…條頸好痛呀!
妹:唔怪之得你今日矮左啦….
力:…..(粗口都廢事講)

8,137 total views, 10 views today

[力語錄]-25-明知山有虎

無見一排…有人又搞事了。話說今日,阿力在看戲的時候口痕食咗一包魷魚絲,跟住就胃痛了。

力:我好胃痛呀!
妹:咩事呀你又?(愛理不理)
力:好…胃…痛…呀(一邊將晚餐放進口中)
妹:叫咗你唔好食咁多野…(反白眼)
力:唔係呀….應該係魷魚先生復仇呀!成日食完就會胃痛
妹:(無言….)咁你仲食?明知山有虎….偏向虎山行
力:…
妹:下次去首爾呀嗎!
力:吼!

好啦,食完飯力打算去睇下EYE SHADOW…

妹:你唔係上星期先買完咩?
力:唔….個盒好勁爆呀!有閃粉…好正GA WOR我用
妹:咁…一次半次都OK呀!又唔係叫你日日化濃妝….
力:但係一盒可以用到年幾GA WO…
妹:咁勁?我以為一盒用到你上咗年紀(賤笑)
力:(死亡)…………………………………………………………………………………..

結論:此人要被殺。


喜歡的朋友可以加入Side-Gas.org,有更多蠢人蠢事即時更新。

8,579 total views, 10 views today

[力語錄]-24-養子

話說今日,妹哥在我威迫利誘之下~終於捨得陪我去按摩!到達按摩的地方,我們要先等待姐姐為我們安排位置,就係呢個時候,有人又發作….

一切,就係因為此魚缸

(人物介紹: 孤單的龍吐珠及嘍囉魚毛仔一群)

平日只得一條龍吐珠~十分沈悶。今日,竟然多了一群魚毛仔!

力:喂~你睇下~點解龍吐珠多咗D魚仔GE?
妹:食物掛
力:唔係噃,係佢地D仔黎GA!
妹:(反白眼)點會呀!
力:yee~唔係噃,唔同種ga噃!不過唔係wo~都可能係佢d仔…(死堅持)
妹:係呀係呀!養子呀頂你…
(說時遲那時快…龍吐珠突然嗒咗兩條魚毛….)



喜歡的朋友可以加入Side-Gas.org,有更多蠢人蠢事即時更新。

7,046 total views, 25 views today

[力語錄]-23-觸執毛

過去那段日子好像太沈重了,大家是時候輕鬆一下。事不宜遲,就跟大家分享一下我跟下人妹今天的對話。

妹:喂呀!喂呀!喂呀!
力:點呀…
妹:XX(他妹妹的男友)買了一個Cheap Coach* 俾佢呀!好似折左都幾千蚊wor…
力:我個袋呢?
妹:你都唔要cheap coach啦
力:喂呀!我跟左你x年啦~毛都無呀!乜都無呀!Chochukmo呀!(突然發癲~dum地)
妹:……..咩話?你要執毛?我俾條毛你?
力:無野啦!!!!

既然如此,我唯有點首觸執毛俾自己,早D抖…

註:* Cheap Coach乃我們一位舊朋友對COACH的稱呼。本人或下人絕對沒有看不起COACH的成份,因為COACH對我們來說已經是超級奢侈品。


喜歡的朋友可以加入Side-Gas.org,有更多蠢人蠢事即時更新。

7,330 total views, 10 views today

[力語錄]-22-你是番梘

Date: 24 Jan, 2010

YO!話咁快又有UPDATE!我都唔想…怪只怪妹妹太多靈感!!
(我相信佢睇到呢到…心到一定又會搞多個GAG就係話自己靈感特薄…)

妹:力仔你呢排好似肥左
力: (死口唔認) 無呀?有咩?無無無 (用手掩住個肚腩)
妹: 唔係WO…真係呀!!!!平時你條腰都叫做有個凹位呀!而家直落wo…點先!!!!
力: 車….少少之嗎 (細聲)
妹: or…少少…唔緊要…我知…我知你想扮一樣野…
力:咩呀”?
妹:你想扮番梘呀!直上直落呀!!!!!!
力: 吼!!!!!!!!!!!!!!!!!!!!!



喜歡的朋友可以加入Side-Gas.org,有更多蠢人蠢事即時更新。

7,030 total views, 5 views today

[力語錄]-21-對你愛不完

 

這是元祖版的力語錄,我今天在翻看舊日記,2007年的我們還是20出頭。那時候的我們,真的很無聊。(雖然我們現在也沒有進步多少)這樣的生活其實也不錯,說真的,我還挺喜歡虐待他。

Date: 5 October, 2007

 

力:我買左蘆薈蜜軟糖,你食唔食呀?
妹:er….好唔好食ga?
力:一係我食左睇下好唔好食先呀?
妹:好呀好呀!(感動)
力:好好食呀!我唔請你食
妹:…………..
力:(收包糖落袋)

 

力:我有almond hersey kisses,你favorite呀!要唔要?
妹:好呀好呀!(期待)
力:yee?溶左wor….成包俾你呀!
妹:…………(崩潰)

結論:不要輕易對別人有期望。特別是,貪吃的肥仔。


(這張照片真的很配合場景,我忍不住又要放上來了。)

喜歡的朋友可以加入Side-Gas.org,有更多蠢人蠢事即時更新。

6,015 total views, 5 views today